SAIOZ BETERIKO HIRUHILEKO BIKAINA! URTARRILEAN ZUEKIN IZANGO GARA BERRIZ, URTE BERRI ON!

Zilegi Eskolak bere ateak itxiko ditu 2016 urtera arte. Saioz beteriko hiruhilekoa izan da eta urtarrilean bueltan izango gara saio berriekin.


Urte berri on!!

Egurrezko jostailuak Astigarragan

Didakmako lagunak Hernanin

TaPuntu-ko lagunak Hernanin internet hizpide

Bertsolaritza saioa Hernanin

Arropa birtziklatzen

ARROPA BIRZIKLATUZ SANTOMAS EGUNERAKO PRESTATZEN!

Kaixo, Zilegikide!

Aste honetan blogeko protagonistak Hernaniko AEK-ko zero urratseko ikasleak izango dira, izan ere, Zilegi Eskolak antolatutako ikastaro batean parte hartu zuten eta haien esperientzia kontatu nahi izan digute.

Juani Vega, euskaltegiko ikasleak arropa birziklatzen erakutsi zigun eta etxean genituen forro polar zaharrekin Santomas jantzirako txalekoak egiten irakatsi zigun.

Josi eta josi! Begira zeinen dotoreak!

Hauek dira gure ikasleen ahotan entzuten genituenak:
Ona, polita eta merkea!
Irakasle bikaina!
Zein ederrak!
Txaleko polita Santomas egunerako!




Hernaniko AEK-ko eguerdiko taldeak ere txaleko politak egin zituen:

HAURREN GARAPENERAKO EGURREZKO JOSTAILUAK

Abenduarekin batera datoz DIDAKMAko gure lagunak Hernani eta Astigarragako AEKra.

  Didakma Haur eta Musika Hezkuntzan Diplomatuak eta Logopedian Masterra duten lagunek osatzen dute eta hezkuntza munduan 10 bat urte lanean egon ondoren haurren jolas eta materialen inguruan dauden hutsuneak beteko dituen euskarazko web-gunea sortzea izan dute helburu. Beti ere jolasa izanik haurren garapenaren oinarria.

Materialak, haurrentzat erakargarriak, koloredunak eta ingurugiroa errespetatzen dutenak izango dira. Jolas manipulatiboak, sinbolikoak, musikalak, sormen, zentzumen, entzumen, motrizitate fina…. garatzen lagunduko dutenak izango dira.

Jostailu horiek ikusi eta probatzeko interesa izanez gero, Hernani edo Astigarragako euskaltegietara etorri besterik ez duzu!

Hernanin:abenduaren 1ean arratsaldeko 18:00etatik 20:30era AEK euskaltegian.

Astigarragan: abenduaren 2an arratsaldeko 19:00etatik 21:00etara AEKren lokal berrian (Nabarra Oñatz kalea)

Izena emateko: zilegieskola@aek.org

Hernani: 607 59 28 64

Astigarraga: 607 61 06 87

2015-2016 ikasturtea ezin hobeto hasiko dugu bertsotan!!

Kaixo, Zilegikide!

Zilegi Eskolak 2015-2016 ikasturteari hasiera emango dio bertsotan.

Baina ez nolanahi, izan ere, hasiera-hasieratik ikusiko dugu bertsolaritzak eskaintzeko duena. Zer da bertsolaritza? oina, errima, puntua, doinua... zer den ikasi ahal izango dugu eta geure bertso propioak sortzeko aukera izango dugu.
Iker Goñi Salaberriaren eskutik bertsolaritzaz disfrutatzen ikasteko aukera izango duzu, animatu!

Bi saio izango dira eta dohainik, hala ere, izena ematea derrigorrezkoa da.
Azaroaren 9an eta 16an goizeko 09:30ean Hernaniko AEKn

Astigarragan, berriz, azaroaren 19an eta 26an arratsaldeko 18:30ean AEK-ren lokal berrian (Nabarra Oñatz kalea)

Informazio gehiago zein izena emateko:
zilegieskola@aek.org
607 59 28 64 (Hernani)
607 61 06 87 (Astigarraga)

ZEINU-HIZKUNTZA IKASTAROA HERNANIN ETA ASTIGARRAGAN

Datorren astean Zeinu-hizkuntza ikastaroa izango dugu bai Hernanin bai Astigarragan.
Alazne Benitezek zeinu-hizkuntzari buruzko hitzaldia emango digu eta ondoren oinarrizko keinuak erakutsiko dizkigu.
Ikastaroa bi egunekoa eta dohainik izango da.

HERNANIN:
Maiatzaren 25ean eta 26an 18:30ean Biteri kultur etxean

ASTIGARRAGAN:
Maiatzaren 27an eta 28an 19:00etan AEKren lokal berrian (Nabarra Oñatz  kalea)

Izen-ematea edo informazio gehiago:
zilegieskola@aek.org
607 59 28 64 Hernani
607 61 06 87 Astigarraga

Bonboiak eta txokolatezko piruletak Hernanin

Aste honetan ikastaro gozo-gozoa izan dugu Hernaniko AEK euskaltegian. Bonboiak eta txokolatezko piruletak egiten ikasi genuen!

ZUMBA HERNANIN, HORI GIROA HORI!

Astelehenean Hernaniko AEK-ko hainbat ikaslek Zumba praktikatzeko aukera izan zuten. Ederki egon ziren Eider Alonsok gidatuta.
Biba zuek!!

 

Bestalde, Hernaniko Mendi-Lore loradenda bisitatzeko aukera izan genuen eta loreen zaintzaren inguruko ikastaroa jaso genuen. Giro ona izan zen eta Oihanak gure galdera guztiei erantzuteko aukera eman zigun.

 

MAIATZEKO EKINTZAK

Maiatzean Zumba, Bonboiak eta piruletak egiteko tailerra eta zeinu-hizkuntza ikastaroak Hernanin eta Astigarragan!!

ZUMBA:
Astigarragan, maiatzaren 6an goizeko 09:30ean kultur etxean

Hernanin, maiatzaren 11n goizeko 09:15ean kiroldegian

Dohainik!


BONBOIAK ETA PIRULETAK
Hernanin, maiatzaren 19an hiru ordutegi aukeran: 09:15, 14:30 edo 18:30 Hernaniko AEKn

Astigarragan, maiatzaren 20an bi ordutegi aukeran: 09:30 edo 19:00 Zipotza elkartean

AEK-ko ikasleak 3€ eta herritarrak 5€

ZEINU-HIZKUNTZA: hastapena
Hernanin, maiatzaren 25ean eta 26an 18:30ean Biteri kultur etxean

Astigarragan, maiatzaren 27an eta 28an 19:00etan AEKren lokal berrian (Nabarra Oñatz kalean)

Dohainik!!

Informazio gehiago edo izena emateko:
zilegieskola@aek.org
Hernani: 607 59 28 64
Astigarraga: 607 61 06 87

MARTXOKO EKINTZAK HERNANIN ETA ASTIGARRAGAN

Adi, Zilegikide.

Martxoa hainbat ekintzarekin dator eta!

Martxoaren 3an eta 10ean ArrEManitz kooperatibaren kide den Ibai Fresnedok Lanbideen eta lan munduaren errealitate sexista aztertzen izango dugu Hernaniko AEKn arratsaldeko 18:30etik aurrera.

Martxoaren 4an, berriz, Edurne Mendizabal Astigarragako AEK-ko lokal berrian izango da bi ordutegitan: goizeko 09:30ean eta arratsaldeko 19:00etan. Mendizabal ArrEManitz kooperatibaren kidea da ere eta euren egitasmoa aurkezten izango dugu: Harremonak eta tratu onen eskola.

Martxoaren 9an eta 16an Gimnasia hipopresiboa izango dugu Hernaniko kiroldegian eta Leire Mendiorozek eskainiko du. Bi ordutegi dituzu aukeran: goizean 09:30-10:30 edo arratsaldean 19:00-20:00

Hipopresiboa Astigarragan egitea nahiago baduzu, jakizula martxoaren 17an eta 24an duzula aukera 09:30ean nahiz 18:30ean.

Prezioak: 
Gimnasia hipopresiboa dohainik AEK-ko ikasleentzat eta gainontzekoentzat 5€
Fresnedo eta Mendizabalen saioak doakoak dira

Informazio gehiago edo izena emateko:
zilegieskola@aek.org edo 607 59 28 64 (Hernani) 607 61 06 87 (Astigarraga)

BATUKADA HERNANIN!

Astelehenean, hilak 23, Ainara Sarasketak eta Arantxa Vicedok Batukada ikastaroa eskainiko digute Hernaniko Gaztetxean.
Sarasketa eta Vicedo Batukada Feministaren partaide dira eta musika tresnak eta erritmoak erakutsiko dizkigute.
Aurreko astean Astigarragan egon ziren eta giro paregabea izan genuen!!

Animatuz gero, jakin ezazu hiru ordutegitan eskainiko digutela saioa:

09:15-11:15, 14:30-16:30 edo 18:30-20:30

Dohainik da, animatu!!

Astigarragako saioa

SUKALDARITZA BEGANOA ABIAN DA ASTIGARRAGAN!

Astigarragako hainbat ikasle eta herritarrek aukera izan du sukaldaritza beganoan egindako platerak dastatzeko. Zizka-mizkak eta lehen platerak prestatu zituzten. Giro aparta izan genuen! Interesik baduzu, jakin dezazun Otsailaren 2tik aurrera ikastaroa Hernanin izango dela, animatu!

JARRI ZURE BIZIKLETA PUNTTU-PUNTTUAN PATXI MINERREKIN

Adi, Zilegikide!

Datorren astelehenetik aurrera, hilak 19, eta hurrengo biak, 26 eta otsailak 2, Patxi Minerrek gure bizikleta nola zaindu erakutsiko digu. Saioa Hernaniko AEKn izango da 18:30ean eta dohainik!

Hemen duzue Minerri egindako elkarrizketa Hernaniko Kronikan. Animatu!!

http://www.kronika.net/albisteak/hernani/albistea/2015/01/15/9c42c5c147583/bizikletan-seguru-ibiltzeko-oinarrizko-teknikak-ikasiko-dituzte-frenoak-kanbioak-erruedak/

Zorione Mendez eta Beñat Irazusta: sukaldaritza beganoa

Jarraian duzuen helbidean sukaldaritza beganoari buruzko ikastaroa eskainiko diguten gai-emaileei egindako elkarrizketa:


http://www.kronika.net/albisteak/astigarraga/albistea/2015/01/10/5759b25a47504/elikadura-beganoaren-aldeko-apustua-egin-dugu-garaian-garaikoa-jaten/

URTARRILEKO EKINTZAK

Urte berri on, Zilegikide!!

2015ari hasiera emateko, Zilegi Eskolak hainbat saio prestatu ditu zuretzat!!

Urtarrilaren 19an, 26an eta otsailaren 2an Patxi Minerrek gure bizikleta punttu-punttuan jartzen erakutsiko digu. Hitzordua arratsaldeko 18:30ean izango da Hernaniko AEK euskaltegian.

Bestetik,  Zorione Mendez sukaldaritza begetariano eta beganoaren inguruan arituko da Astigarragan eta teoriaz gain, zizka-mizkak, lehen eta bigarren platerak eta azkenburukoak sukaldatuko ditu gurekin batera.
Saioa 3 egunetan izango da: urtarrilaren 14an, 21ean eta 28an goizeko 09:30ean Astigarragako Zipotza elkartean.
Prezioak: AEK-ko ikasleentzat 9€, gainontzekoentzat 15€

Izena emateko edo informazio gehiago: zilegieskola@aek.org edo 607 59 28 64 (Hernani) 607 61 06 87 (Astigarraga)

Miner iazko saioan