SAGARDO-DASTAKETA

Zapiain, pozik, saria eskuartean duela

Egoitz Zapiainek III. Sagardo Forumean saria irabazi zuen, eta gurean izan zen sagardo-dastaketa gidatzen. Zorionak, Egoitz!

Dastaketa Hernanin eta Astigarragan izan zen. Hainbat sagardo ekarri zituen eta zaporeak, usainak, koloreak... alderatu genituen. Ohiko sagardoak dastatu genituen (naturala, botilakoa), baita beste era batera botilatutakoak ere (latetan).

Munduko sagardo ekoizpenaren gaineko azalpenak eman zituen: nor gara gu munduan, zein leku hartzen dugun sagardoaren industrian... eta beste ekoizle batzuek egiten dutena ere azaldu zigun. Primeran pasatu genuen!!! Mila esker, Egoitz!

Botila Alemaniakoa eta latak AEBkoak

Hernaniko arratsaldeko saioa

Zipotza elkartean

Hernaniko goizeko saioa

SUHILTZAILE-ETXERA BISITA

Zilegi Eskolak hasiera eman dio 2019-2020 ikasturteari eta saio ezin hobea izan da! Donostiako suhiltzaile-etxera bisita egin dugu. Joxik, suhiltzaile ohia, bere etxea izan zena erakutsi digu. Kamioiak ikusi, eta sute baten aurrean ere zer egin dezakegun azaldu digu. Primerako goiz pasa izan da eta asko ikasi dugu. Mila esker, Joxi!

MEKANIKA-IKASTAROA

Gurpil bat noiz aldatu behar da? Ba al dakizu autoaren gurpila aldatzen? Zenbat olio geratzen zaion autoari? Non dituzu tresnak? Haizetako garbitzaileak nola dituzu? Galdera hauek eta beste hainbat erantzuteko izan zen gurean Iñigo Mota, eta saio teoriko-praktiko ezin hobea eskaini zigun.

SENDABELARRAK

Maika Cester euskaltegiko ikasle ohia sendabelarretan aditua da, eta gurera etorri zen saio interesgarria zein erabilgarria eskaintzera.
Lehenengo egunean, Hernani eta Astigarragan zehar ibili ginen, eta Cesterrek inguruan ditugun loreen, landareen eta belarren ezaugarriak azaldu zizkigun. Hainbat gauzatarako erabilgarriak dira etxe ondoan ditugun belarrak eta, hori dela eta, hartutako batzuekin, bigarren saioan katu mingaina ukendua egin genuen. Azala zaintzeko baliagarria da, eta azalean agertzen zaizkigun gaitzen aurka oso eraginkorra. Saio interegarria nahiz praktikoa izan zen, eta beti bezala, plazer handia Maika gure artean izatea. Eskerrik asko, eta beste bat arte!

BARRETERAPIA