GARAGARDOA EGITEN IKASTEKO TAILERRA

Otsaihen garagardoa ekoizten duten lau hernaniar izango ditugu gurean hilaren 27an eta 28an. Garagardoa nola egiten den ikasi nahi baduzu, ez galdu aukera eta zatoz Hernaniko AEKra edo Astigarragako Zipotza elkartera!
Garagardoari buruzko hainbat bitxikeria eta argibide izateaz gain, dastaketa egiteko aukera ere izango duzu. Animatu!

HERNANIN:
Azaroaren 27an 18:15ean Hernaniko AEK euskaltegian

ASTIGARRAGAN:
Azaroaren 28an 18:30ean Zipotza elkartean

Dohainik

Izen-ematea: zilegieskola@aek.eus edo 663 04 33 14

MIKOLOGIA SAIOAK HERNANIN ETA ASTIGARRAGAN

Igor Garmendia izan genuen Hernaniko eta Astigarragako AEK euskaltegietan. Onddo eta perretxikoen inguruko saioa eskaini zigun eta hainbat argibide, aholku eta bitxikeria kontatu zigun.
Oso saio atsegina izan zen eta oso parte hartzailea.
Primeran ibili ginen, mila esker Igor eta beste bat arte!

ABIAN DA ZILEGI ESKOLA!

Zilegi Eskolak ateak irekiko ditu berriz ere eta ezin hobeto hasiko dugu ikasturtea Mikologia saioarekin!

Perretxiko garaia dela aprobetxatuz, Igor Garmendiak mikologiari buruzko saio teoriko-praktikoa eskainiko digu. Perretxikoak, onddoak ... ikusi, usaindu eta ukitzeko aukera izango dugu. Perretxiko onak eta kaltegarriak bereizten erakutsiko digu eta horiei buruzko hainbat kontu eta bitxikeria ezagutuko ditugu.

 HERNANI:
Azaroaren 6an arratsaldeko 18:15ean AEK euskaltegian (Larramendi 11)

ASTIGARRAGA:
Azaroaren 7an bi saio eskainiko dira, batetik, goizean 09:30ean eta bestetik, arratsaldeko 18:30ean.

Saioak dohainik izango dira!

Izen-ematea edo informazio gehiago:

zilegieskola@aek.eus edo 663 04 33 14

IKASTURTEARI AGUR ESATEKO MODURIK ONENA!

Zilegi Eskolak ateak itxi dizkio 2016-2017 ikasturteari eta primerako ikastaroak antolatu ditu ekainean zehar. Begira, begira!!

Aloña Bracerasek gatazkarik gabeko sakelako telefonoen inguruko hitzaldia eskaini zigun

 

Roberto Garcia AEK-ko ikasleak sukaldaritza ikastaroa eman zuen Hernanin eta hainbat gutizia probatzeko parada izan genuen.

Eta Iurre Salaberria argazkilariak argazki onak ateratzeko aholku eta trikimailuak eskaini zizkigun.

Eta zuk, zer egin nahi duzu datorren ikasturtean?? Uda on!!

PLAZA DANTZAK ASTIGARRAGAN ETA HERNANIN

Maiatzean zehar Uxuri Irastorza plaza dantzak ikastaroa eskaintzen ari da bai Astigarragan bai Hernanin.
Talde politak osatu ditugu eta dagoeneko hainbat dantza ikasi ditugu: Polka, Saltarintxo, Esku dantza, Arabako dantza...
Datorren astean beste saio bat izango dugu eta Akelarrea ikasiko dugu.
Hona hemen saioetako hainbat argazki, ederki ibili ginen!

SAGARDO DASTAKETA EGOITZ ZAPIAINEN ESKUTIK

Zapiain sagardotegiko Egoitz Zapiainek sagardoari buruzko hitzaldia eskaini zigun eta ondoren 6 sagardo dastatzeko parada izan genuen Hernaniko eta Astigarragako AEK euskaltegietan.
Zein sagar mota dauden azaldu zigun. Sagarraren bilketan parte hartzen duten faktoreak zeintzuk diren ikasi genuen. Esaterako, ba al zenekiten ilargiak, tenperaturak eta klimak sagarraren propietateetan eragin zuzena dutela?
Lehengaia zaintzearen garrantzia azpimarratu zigun Zapiainek, izan ere, sagar bilketa egiterako garaian sagarrak egoera onenean egon behar du.
Euskal Herriko eta mundu mailako sagardoaren konpetentziaren inguruko hainbat datu esanguratsu ezagutu genuen.
Primerako saioa eta sagardoa, mundiala!!!

NOLA DAUDE GAUR EGUN ERREFUXIATUAK?

Su Hernandez "Ongi Etorri Errefuxiatuak Gipuzkoa" taldeko kidea dugu eta haren eskutik Greziako Tessaloniky eta Polikastro herrietan dauden errefuxiatuen berri izan genuen.
Hernandez udan Grezian izan zen eta bertako egoera nolakoa zen deskribatu zigun. Kanpamenduetan dauzkaten baliabideak, Europaren ardura, boluntarioen lana...
Saio hunkigarri bezain interesgarria izan zen. Mila esker, Su!

Astigarragako saioa

Elkartearen zapia

Biteri kultur etxean izandako saioa

GARAGARDO ARTISAUA

Otsaiheneko kideak izan ditugu Zilegi Eskolan euren garagardo artisaua nola egiten den azaltzeko. Ondoren, hainbat garagardoren dastaketa egin genuen haien azalpenak kontuan hartuz.
Giro paregabea izan genuen!

Hernanin

AEKn izan zen saioa

Astigarragako saioa

Zipotza elkartean

OTSAILEKO EKINTZAK

HERNANIN:

GARAGARDO TAILERRA:

otsailaren 7an 18:00-20:00 AEKn

Gai-emailea: Otsaihen 

Prezioa: 2€

ERREFUXIATUEN EGOERA EGUN: hitzaldia

otsailaren 22an 18:00-20:00 Biterin 

Gai-emailea: Su Hernandez 

ASTIGARRAGAN:

GARAGARDO TAILERRA:

otsailaren 13an 18:30-20:30 Zipotza elkartean

Gai-emailea: Otsaihen

ERREFUXIATUEN EGOERA EGUN: hitzaldia

otsailaren 21ean 18:30-20:30 Kultur etxean

Txalapartaren historia Goikoetxea sendiaren eskutik

Goikoetxeatarren jatorria zen Erbetegi-Etxeberri baserriko aztarnak ezagutu genituen lehenengo. Bertan jakin genuen Izetatarrak eta Goikoetxeatarrak urteetan zehar sagardogileak izan zirela gure inguruko beste baserri askotan gertatzen zen bezala. Hiru solairuetan banatuta zegoen baserri honetako tolare berezia (baserria bota aurretik Foru Aldundiari dohaintzan ematea erabaki zuen familiak) eta maitasun handiz Aritzek aztarna haien gainean kontatu zizkigun hainbat istorio ez ditugu sekula ahaztuko (Gorritiren artelan promesak, gure aiton-amonen gaupasa bukaezinak, karrota-barrikak Donostiara eramateko zailtasunak...) Horrela ezagutu genuen txalaparta jotzeko usadioa nondik zetorren eta hobeto ulertu genuen Gipuzkoako bi familei esker (Goikoetxeatarrak eta Zuaznabartarrak) zergatik ez zen gurean txalaparta jotzeko ohitura galdu nahiz eta Frankok debekatu .

Pixkanaka Beltranek urte horietan guztietan Hernanin egin duen lana hobeto baloratzeko beharraz ere ohartu ginen eta nola ez, Artze anaiek egindakoa eta txuleten istorioak ez ditugu ahaztuko.

Txalaparta jotzeko edo zalaparta egiteko aukera ere eskaini zituen eta ttakun eta herrenekin elkarrizketak sortzen saiatu ginen merienda eta hamaiketako goxo askoren artean, mama goxoa edanaz.
Mila esker familia. Ez dugu ahaztuko!

AUTOMAKILLAJE IKASTAROA

Urtarrilean zehar Zilegi Eskolak hainbat ikastaro eskaini ditu Automakillajearen inguruan.
Mariana Benitez makillatzaile hernaniarrak aholku eta trikimailuak erakutsi dizkigu geure burua apaintzeko. Nork bere ezaugarriak kontuan hartuz, begirada, irribarrea edo argitasuna nabarmentzen ikasi genuen.
Dotore-dotore jarri gintuen! Aupa Mariana!


Astigarragan egindako saioa

 Hernaniko saioa