KOBREZ EGINDAKO ESKUMUTURREKO TAILERRAK

Nora Ruiz Zeberio bisitan izan dugu Hernanin eta Astigarragan.
Bitxigilea da Ruiz Zeberio eta brontzea moldatzeko teknikak erakutsi zizkigun.
Brontzea berotu eta zimurrak eta hainbat forma eman genizkion, hoztutakoan mailuarekin eskumuturreko forma har zezan eman genion eta azkenik, barniza erabili genuen azken ukitua emateko.

Eskumuturreko ederrak eraman genituen! A zer artistak!

Zeinu-hizkuntza Astigarraga eta Hernanin

Jugatx Agirre Zubizarretak zeinu-hizkuntza ikastaroa eskaini digu bai Astigarragan bai Hernanin.

Hasteko, alfabetoa ikusi genuen eta nork bere aurkezpena egin zuen ikasitakoarekin.
Asteko egunek eta hilabeteek zein zeinu zituzten erakutsi zigun eta bukatzeko, Euskaraz bizi nahi dut abestia zeinu-hizkuntzan "abestu" genuen!

Oso saio dinamikoa izan zen eta parte hartzailea! Mila esker guzti-guztioi eta datorren astean gehiago!

Hernaniko Biteri kultur etxean

Astigarragako AEKn

Bertsogintza

Azaroan zehar Bertsogintza saioak izan ditugu Hernanin eta Astigarragan.

Iker Goñi Salaberriak errima, oina eta puntua zer ziren azaldu zigun. Azalpentxo teorikoaren ondoren hainbat ariketa eta jolasen bidez errimak eta puntuak landu genituen eta bukaeran bertsoak sortu genituen. Ea gustukoak dituzuen!

AEKn ari gera

bilatzen jakintza

Ikerrek eman digu

jolasteko hitza

bertsoak egiteko

badaukagu giltza

bertsolari lanetan

primeran gabiltza

(Hernaniko AEK-ko C1 arratsaldeko taldea)

Hemen gaude hamaika

euskal hiztun peto

Ikeren laguntzakin

sormena lantzeko

oin eta errimekin

ondo pasatzeko

egualdi ona dago

bertsotan iteko

Hernaniko AEK-ko C1 eta B2 goizeko taldeak

2016-2017 IKASTURTEA ABIAN DA!

2016-2017 ikasturteari hasiera emateko Zilegi Eskolak hainbat saio eskainiko ditu azaroan zehar.

Hona hemen hilabeteko ekintzak:  

BERTSOGINTZA: 
Bertsotan aritzeko saio praktikoa izango da. Zuk zeuk sortuko dituzu bertsoak Iker Goñi Salaberriaren laguntzarekin.
Saioan parte hartu nahi baduzu, hemen dituzu egunak eta orduak:

Astigarragan: 
Azaroaren 23an goizeko 09:30etik 11:30era. Nahiago baduzu arratsaldean, azaroaren 24an arratsaldeko 18:30etik 20:30era. Bi saio hauek Astigarragako kultur etxean izango dira.

Hernanin:
Azaroaren 14an eta 21ean goizeko 09:30etik 11:30era eta arratsaldean etorri nahi baduzu, azaroaren 16an izango da saioa arratsaldeko 18:00etatik 20:00etara.
Saio guztiak Hernaniko AEK euskaltegian izango dira. Dohainik.

ZEINU-HIZKUNTZA:
Hastapena. Esku alfabetoa eta lehen espresioak ezagutuko ditugu Jugatx Agirre Zubizarretaren eskutik.

Astigarragan:
Azaroaren 14an arratsaldeko 18:30etik 20:30era Astigarragako AEK euskaltegian. Dohainik


Hernanin:
Azaroaren 21ean eta 28an arratsaldeko 18:30etik 20:30era Biteri kultur etxean. Dohainik.

Informazio gehiago jaso nahi baduzu, edo izena emateko:
zilegieskola@aek.eus
663 04 33 14

SUKALDARITZA ikastaroko errezetak.odp by Amagoia Etxeberria Irizar

Sukaldaritza, plaza dantzak, sendabelarrak eta internet bidez erosi

2015-2016 ikasturtea bukatzear da eta Zilegi Eskolak ere ateak itxiko ditu. Hori izan aurretik ekainean hainbat saiotan parte hartzeko aukera izan dugu. Parte hartu duzuen guztioi, eskerrik beroena, eta parte hartu ez duzuenoi gonbidapena egitea besterik ez zaigu falta 2016-2017 ikasturtean gai-emaile nahiz entzule gure artean egon zaitezten.

Eskerrik asko eta uda on!!



Ekaineko saioak:

Sendabelar ikastaroarekin jarraitu dugu ekainean ere. Ukenduak egiteko aukera, belarrak ezagutu ditugu...

 

Plaza dantzak  saioa ere izan dugu Hernanin eta Astigarragan.

Uxuri Irastorzak San Joanetan praktikatzeko dantzak eta abestiak erakutsi dizkigu: Esku-dantza, Zazpi Jauzi, Egi eta Polka...

Primeran ibili ginen, eta ez, ez da hain zaila!

Maria Fernandez informatikariak Internet bidezko erosketak nola egin behar diren azaldu zigun. Erosketa seguruak egiteko aholku eta trikimailuak eman zizkigun. Fernandez Hernaniko AEK-ko ikaslea da eta euskaraz ematen zuen lehen hitzaldia zen, aupa Maria, zorionak!!

Eta bukatzeko, Roberto Garcia sukaldariak entsalada epela eta xapo brotxetak egiten erakutsi zigun Hernaniko Landare elkartean.
Zelako itxura e!

Inbidiak jota bazaude, lasai egon, azaroan emango diogu hasiera ikasturte berriari eta gurekin parte hartzeko aukera izango duzu!
Ondo segi eta mila mila esker!!

Zilegi Eskola
zilegieskola@ae.eus
663 04 33 14

   sendabelarrak 2. saioa Intsusa ukenduaren errezeta

sendabelarrak1 paseoa

UDABERRIAZ GOZATZEN!!

Apirilean zehar barre egiteko aukera, loreak ezagutzeko parada eta belarrekin ukenduak egiteko abagunea izan dugu.

Maialen Viaña Zabaleta psikologoak barre egiteko ariketak eta eta gorputza erlaxatzeko teknikak erakutsi zizkigun. Oinetakoak erantzi eta barre eta algaretan murgildu ginen!

Astigarragako taldea

Hortaz gain, Asier Bilbao lorazainarekin landareak ezagutzeko parada izan genuen. Batetik, Astigarragako Zuloaga Loreak dendara gerturatu ginen eta lore eta landareen inguruan mintzatu zen hernaniarra. Herritar zein ikasleei galderak egiteko tartea eman zien eta bitxikeriak kontatzeaz gain, aholkuak ere eskaini zizkien.
Hernanin, aldiz, parke botanikora bisita egin genuen eta bertako landareen ezaugarriak ezagutu genituen. Aurretik landareei buruz jakin beharrekoa ikasi genuen, hala nola, zeintzuk diren kanpoan edukitzekoak, zeintzuk barruan, zeintzuk behar duten ur gehiago, zeintzuk diren pozoitsuak...

Zuloaga Loreak dendan

Hernaniko taldea

Asier Bilbao azalpenak ematen

 Eta bukatzeko, Maika Cester aditua sendabelarren propietateei buruz aritu zen Astigarragan zehar emandako paseoan. 

Hernaniarrak ondo baino hobeto daki zein bide edo ingurutan hazten diren ukendu, edabeak egiteko zein jateko diren belarrak non jaiotzen diren, horregatik, paseotxo bat egin genuen eta haren azalpenak adi-adi entzun genituen.

Cester azalpenak ematen

Astigarragako taldea

Datorren asteko saioak

Adi, Zilegikide!

Datorren astean Zilegi Eskolak hainbat saio eskainiko ditu Hernani, Astigarraga zein Urnietan

HERNANI:
Lorezaintza ikastaroa apirilaren 18an eta 25ean bi ordutegi aukeran, 09:30-11:30 edo 18:30-20:30. Dohainik!

ASTIGARRAGA:
Lorezaintza: Zuloaga Loreak loradendara bisita. Apirilaren 19an 09:30ean kultur etxean geratuko gara bertatik abiatzeko. Dohainik!

Lanbide eta lan munduaren errealitate sexista aztertzen hitzaldia. Apirilaren 19an 18:30ean kultur etxean. Dohainik!

Barreterapia. Apirilaren 20an eta 27an 09:30-11:30 Norberto Almandoz musika eskolan. Prezioa: 10€

URNIETA:
Sendabelarrak. Apirilaren 20an 17:30ean kultur etxean. Dohainik.


Izena emateko edota informazio gehiago jasotzeko:
zilegieskola@aek.eus edo 663 04 33 14

AZKEN SAIOAK

Xake ikastaroa

Barreterapia

Gozogintza

SENDABELARRAK HERNANIN

Apirilaren 6an Maika Cester belarzalea Hernaniko AEKra etorri zen Sendabelarrei buruz mintzatzera eta hainbat ukendu egitera. Oso saio dinamiko eta interesgarria izan zen.
Datorren hilabetean beste hainbat saio eskainiko ditu Hernanin zein Astigarragan. Adi egon eta ez galdu aukera!

GOZOGINTZA TAILERRA ASTIGARRAGAN

Otsailaren 9an Astigarraga usain gozoz estali genuen, izan ere, gozogintza tailerrean parte hartu genuen Zipotza elkartean. Katrina Borhalenko mintzalagun ukraniarrak azkenburuko gozo-gozoak egiten erakutsi zigun.
Begira, begira...

BENITO LERTXUNDI GUSTUKO DUZU?

Bada, ez ezazu galdu saio hau!!!

Imanol Artolak "Felix" Benito Lertxundiren kantagintzari buruzko tesia egin zuen eta egunotan dabil Astigarragan hitzaldiak ematen.
Garai historikoaren azalpenak, letren zergatia eta abestien esanahiak ezagutzeko aukera eskaini digu.
Benito Lertxundi artista ezagutzeaz gain, Euskal Herriko historia gogoratzeko parada ezinhobea izango dugu.

Garaiz zabiltza, izan ere, martxoaren 9an arratsaldeko 18:30ean Hernaniko Biteri kultur etxean izango da saio zoragarri hau eskaintzen.
Doakoa da gainera eta izena eman besterik ez duzu, animatu!

zilegieskola@aek.eus edo 663 04 33 14

URTARRILEKO EKINTZAK

Urtarrilean zehar hainbat saio egiteko aukera izan dugu eta izan duzuen parte hartzea izugarria izan da! Adi otsaileko ekintzetara!!

Efektu bereziak egiten ikasi genuen. Beldurgarriak!

Fantasiazko makillajea

Mariana Benitez gai-emaileak hainbat aholku eman zizkigun

Ogi ekologikoa nola prestatzen den ikasi genuen

Gure parte hartzaileak lan ta lan ibili ziren!

BENITO LERTXUNDIREN KANTAGINTZARI BURUZKO SAIOA

URTE BERRI ON!

Urte berriarekin batera dator Zilegi Eskola ekintzez beteta! Adi!

OGI EKOLOGIKOA EGITEN IKASI

HERNANIN: (bi egun aukeran)
urtarrilaren 12an 18:30-20:30 Biteri kultur etxean
urtarrilaren 25ean 09:30-11:30 Biteri kultur etxean

ASTIGARRAGAN: (bi egun aukeran)
urtarrilaren 26an 09:30-11:30 Zipotza elkartean
urtarrilaren 28an 19.00-21:00 Zipotza elkartean

Prezioa: 3€

BENITO LERTXUNDIREN KANTAGINTZARI BURUZKO SAIOA 

HERNANIN:
urtarrilaren 18an 09:00-11:00 Hernaniko AEKn
Dohainik!

Imanol Artola "Felix" izango da gai-emailea

 

 

INAUTERIETAKO MAKILLAJEA: Fantasia eta efektu bereziak

ASTIGARRAGAN: bi egun aukeran
urtarrilaren 13an 09:30-11:30 Nabarra Oñatz kaleko lokalean
urtarrilaren 14an 19:00-21:00 Nabarra Oñatz kaleko lokalean

HERNANIN: bi egun aukeran
urtarrilaren 19an 09:15-11:15
urtarrilaren 25ean 18:30-20:30

Prezioa: 5€


Izen-ematea: zilegieskola@aek.eus
Astigarraga: 607 61 06 87
Hernani: 607 59 28 64